Of sein

Ég var að tala við myndarlegan mann í alla nótt. Hann var vel máli farinn og skemmtilegur. Hann reytti af sér brandarana og var ógurlega alúðlegur í alla staði. Hann spurði mig hvort ég vildi giftast honum og taldi upp alla kosti sína í belg og biðu. Ég man að hann sagðist alltaf elda og þrífa og þætti gaman að passa börn á meðan konan væri á barnum.

Mér leist auðvitað alveg ljómandi vel á þessar tillögur hans og sagði honum að áður en ég myndi giftast honum þyrfti hann að vakna og taka krakkana til í skólann. Smyrja nesti, finna föt, greiða hár, bursta tennur og þetta allt. Hann var meira en til í það.

Ég hugsaði mér því gott til glóðarinnar og pakkaði mér enn betur inn í sængina og beið eftir því að fá morgunkoss og heyra orðin "sofðu bara áfram ástin mín, ég skal sjá um krakkana"... Því miður heyrði ég bara suðið í símanum og eftir að hafa ýtt fjórum sinnum á snooze þurftum við að stökkva á fætur og drífa okkur meira en góðu hófi gegndi til að drengurinn kæmi nú á réttum tíma í skólann.

Ég vil því hér með vara alla kvenþjóðina við. Ef Lujack úr Guiding Light lofar ykkur öllu fögru... Þá er ykkur að öllum líkindum að dreyma.

*andvarp*

Athugasemdir

[Jóhanna Magnúsdóttir, 28.10.2010 kl. 09:37]

Góð! ;-)

[Þórir Karl Celin (IP-tala skráð) 28.10.2010 kl. 09:50]

lem kauða....

[Lára litla sys (IP-tala skráð) 28.10.2010 kl. 14:15]

Það sem hræðir mig mest er að þú þekkir persónu i Guiding light með nafni....

[Harpa (IP-tala skráð) 28.10.2010 kl. 16:43]

vertu bara fegin að dreyma ekki það sama og mig :o Fjölskyldu drama og drastíska hluti more than less.  Enn sko.... ég held að ég viti hver LuJack er.... hvað segir það um mig!

[LiljaPilja (IP-tala skráð) 3.11.2010 kl. 23:30]

hohohoho...........æði að þú sért farin að blogga stelpa og ég mun fylgjast með þér ofcourse (verður þá sú eina sem ég fylgist með hahaha)